FM Heart — යෞවනයේ හද ගැහෙන රිද්මය

යෞවනයේ හද ගැහෙන රිද්මය

NOW PLAYING·FM Heart Live — On Air

ලාෆ් මිල වැඩි කිරීමෙල් ලිත්‍රො වෙත අමතර පීඩනයක්...

FM Heart · 1 min read

The Heart Academy
ලාෆ්ස් සමාගම නිවේදනය කළ නව මිල ගණන්වලට අනුව, කිලෝග්‍රෑම් 12.5 ක බරින් යුත් ගෘහස්ථ ලාෆ්ස් ගෑස් සිලින්ඩරයක මිල රුපියල් 1,775 කින් ඉහළ දමා ඇති අතර, එහි නව සිල්ලර මිල රුපියල් 6,740 ක් දක්වා ඉහළ යනු ඇත. මීට අමතරව කිලෝග්‍රෑම් 5 ක ගෑස් සිලින්ඩරයක මිල රුපියල් 732 කින් ඉහළ නංවා ඇති අතර එහි නව මිල රුපියල් 2,720 ක් ලෙස සටහන් වේ. මෙම මිල ඉහළ දැමීමත් සමඟ ලිත්‍රෝ සහ ලාෆ්ස් ගෑස් සිලින්ඩර අතර පවතින මිල පරතරය පෙර නොවූ ලෙස පුළුල් වී තිබේ. දැනට වෙළෙඳපොළේ පවතින ලිත්‍රෝ ගෑස් මිල ගණන්වලට වඩා ලාෆ්ස් ගෑස් මිල ඉතා ඉහළ මට්ටමක පැවතීම හේතුවෙන්, මෙතෙක් ලාෆ්ස් ගෑස් පරිභෝජනය කළ පාරිභෝගිකයින් මෙන්ම ආපනශාලා සහ සුළු පරිමාණ ව්‍යාපාරිකයන් විශාල වශයෙන් ලිත්‍රෝ ගෑස් මිලදී ගැනීමට පෙළඹෙනු ඇත. එහි ප්‍රතිඵලයක් ලෙස ලිත්‍රෝ ගෑස් සිලින්ඩර සඳහා වන වෙළෙඳපොළ ඉල්ලුම එක්වරම ඉහළ යා හැකි අතර, එම අමතර ඉල්ලුම සපුරාලීම සඳහා වැඩි ගෑස් තොග ආනයනය කිරීමට සහ බෙදාහැරීම් ජාල පුළුල් කිරීමට ලිත්‍රෝ සමාගමට සිදුවනු ඇත. එසේම හිස් සිලින්ඩර හුවමාරු කිරීමේදී පාරිභෝගිකයන් මුහුණ දෙන ගැටලු හේතුවෙන් වෙළෙඳපොළ තුළ යළිත් කෘත්‍රිම හිඟයක් හෝ පෝලිම් නිර්‍මාණය වීමේ අවදානමක් මතුවිය හැකි බවට ද අනතුරු ඇඟවේ.
99mobile