FM Heart — යෞවනයේ හද ගැහෙන රිද්මය

යෞවනයේ හද ගැහෙන රිද්මය

NOW PLAYING·FM Heart Live — On Air

දරු උපත් පහත වැටේ... පළමු ශ්‍රේණියට ළමුන් ඇතුළත් වීම වාර්‍ෂිකව 40,000කින් අඩු වෙයි..

FM Heart · 1 min read

The Heart Academy
රට තුළ වාර්‍ෂිකව සිදුවන දරු උපත් අනුපාතය සැලකිය යුතු මට්ටමකින් පහත වැටීම මෙම තත්ත්වයට ප්‍රධානතම හේතුව වී ඇති බව නියෝජ්‍ය අමාත්‍යවරයා පෙන්වා දී තිබේ. අධ්‍යාපන අමාත්‍යාංශයේ දත්තයන්ට අනුව, සාමාන්‍යයෙන් මෙරට පාසල් වෙත වාර්‍ෂිකව පළමු ශ්‍රේණිය වෙනුවෙන් ඇතුළත් කරගනු ලබන දරුවන්ගේ සංඛ්‍යාව ලක්ෂ තුනකට (300,000) ආසන්න වේ. මේ අතර, දිවයින පුරා නව ප්‍රාථමික පාසල් 309ක් අලුතින් පිහිටුවීමට රජය සැලසුම් කර ඇති බව ද නියෝජ්‍ය අමාත්‍යවරයා සඳහන් කර ඇත. ඉන් ප්‍රාථමික පාසල් 31ක් මෙම වසර තුළදීම ස්ථාපිත කෙරෙන අතර, එම සියලු පාසල් එක්සත් සහ ආකර්‍ෂණීය වූ එකම ගෘහ නිර්‍මාණ ශිල්පීය සැලසුමකට අනුව ඉදිකිරීමට නියමිතය. එසේම එම ප්‍රාථමික පාසල් වෙනුවෙන් නූතන ප්‍රමිතීන්ට ගැළපෙන නවීන වැසිකිළි හා සනීපාරක්ෂක පද්ධති හඳුන්වා දීමට නියමිත බව ද ඒ මහතා වැඩිදුරටත් කියා සිටියේය. මීට අමතරව, දීර්‍ඝ කාලයක සිට දැඩි තරගකාරීත්වයක් සහ විවේචනයක් නිර්‍මාණය කර ඇති 5 ශ්‍රේණිය ශිෂ්‍යත්ව විභාගයේ ද ඉදිරියේදී යම් වෙනස්කම් සහ ප්‍රතිසංස්කරණ සිදුකිරීමට අධ්‍යාපන අමාත්‍යාංශය සැලසුම් කරමින් සිටින බව අදාළ පුවත්පත් වාර්‍තාවේ වැඩිදුරටත් දැක්වේ.
99mobile