ශිරාන් බාසික්ගේ කළු සල්ලිවලට පියුමි හංසමාලිත් පටලයි..

දැනට තමන් ශ්‍රී ලංකාවෙන් බැහැරව සිටින බව පවසන ඇය, විවිධ සමාජ මාධ්‍ය පිටු හරහා තමන් ඉලක්ක කර ගනිමින් එල්ල වන චෝදනා ප්‍රතික්ෂේප කර සිටියි. විශේෂයෙන්ම 'සිරාන් බාසිත්' නමැති පුද්ගලයා කවුරුන්ද යන්න පිළිබඳව තමන් කිසිසේත්ම නොදන්නා බවත්, ඔහු සමඟ කිසිදු සම්බන්ධතාවක් නොමැති බවත් ඇය අවධාරණය කරයි. එමෙන්ම 'පද්මේ' නමැති පුද්ගලයා ඩුබායිහි පැවති අවුරුදු උත්සවයකදී මුණගැසුණද, ඔහු සමඟ ද කිසිදු ආකාරයක මූල්‍ය ගනුදෙනුවක් පවත්වා නොමැති බව ඇය පවසයි. මෙම කරුණු සම්බන්ධයෙන් තමන් අපරාධ පරීක්ෂණ දෙපාර්‍තමේන්තුව වෙත ගොස් ප්‍රකාශයක් ද ලබා දී ඇති බව ඇය එම සටහන මගින් අනාවරණය කර ඇත. තමන් සතු ධනය සහ සුඛෝපභෝගී ජීවන රටාව පිළිබඳව අදහස් දක්වමින් පියුමි හංසමාලි සඳහන් කරන්නේ, එම සියලු වත්කම් තමන් විසින් පවත්වාගෙන යනු ලබන ව්‍යාපාරය හරහා උපයාගත් නීත්‍යානුකූල මුදල් බවයි. මත්ද්‍රව්‍ය ජාවාරම්කරුවන්ගේ හෝ වෙනත් අයථා ක්‍රම මගින් උපයන 'කළු සල්ලි' තමන්ට අවශ්‍ය නොවන බවත්, තමන් ස්වෝත්සාහයෙන් දියුණු වූ කාන්තාවක් බවත් ඇය වැඩිදුරටත් පවසා තිබේ. තමන්ගේ නම භාවිතා කරමින් අසත්‍ය පුවත් පතුරුවන පාර්‍ශවයන් පිළිබඳව සිය දැඩි අප්‍රසාදය පළ කරන බව ද ඇය එම සටහනේ දක්වා ඇත.