ලාෆ් ගෑස් දැවැන්ත මිල වැඩි කිරීමක... රු. 1775කින් 35%කින් මිල වැඩි කරයි.. නව මිල 6740යි..

සමාගම නිවේදනය කර ඇති පරිදි, බහුලව භාවිත වන කිලෝග්‍රෑම් 12.5 ක සම්මත ගෘහස්ථ ගෑස් සිලින්ඩරයක මිල රුපියල් 1,775 කින් ඉහළ දමා ඇති අතර, ඒ අනුව එහි නව මිල රුපියල් 6,740 ක් ලෙස සටහන් වේ. මීට පෙර එම සිලින්ඩරයක් අලෙවි වූයේ රුපියල් 4,965 ක මිලකටය. මීට අමතරව, කිලෝග්‍රෑම් 5 ක කුඩා ප්‍රමාණයේ ගෑස් සිලින්ඩරයක මිල රුපියල් 732 කින් ඉහළ නංවා ඇති අතර, රුපියල් 1,988 ක්ව පැවති එහි නව මිල රුපියල් 2,720 ක් දක්වා ඉහළ යනු ඇත. ජාත්‍යන්තර වෙළෙඳපොළේ ද්‍රවීකෘත පෙට්‍රෝලියම් වායු මිල ශීඝ්‍රයෙන් ඉහළ යාම හේතුවෙන් මෙරටට ගෑස් ආනයනය කිරීමේ පිරිවැය දැඩි ලෙස ඉහළ ගොස් ඇති බැවින් මෙම මිල සංශෝධනය සිදු කිරීමට සිදු වූ බව ලාෆ්ස් සමාගම පෙන්වා දෙයි. මෙම තත්ත්වය හමුවේ වුවද ගෘහස්ථ හා වාණිජ පාරිභෝගිකයන් වෙත අඛණ්ඩව ගෑස් සැපයුම පවත්වාගෙන යාමට තමන් නිරතුරුවම කැපවී සිටින බව සමාගම අවධාරණය කරයි. එමෙන්ම ඉදිරි මිල සංශෝධනයන් ද ලෝක වෙළෙඳපොළේ පවතින මිල උච්චාවචනයන්ට අනුකූලව සිදු කිරීමට නියමිත බව සමාගම වැඩිදුරටත් සඳහන් කර ඇත.