සුදු ඇඳගෙන කළු ඇවිදින්! නාමල්, සජිත්, රනිල් එක්ක පැරණි දේශපාලන සංස්කෘතියට එරෙහිව කොටුව වටලා දරුණු විරෝධයක්!

ශ්‍රී ලංකාවේ පැරණි දේශපාලන සංස්කෘතියට එරෙහිව නිහඬ විරෝධතාවක් ඔක්තෝබර් 21 වැනිදා කොළඹ කොටුව දුම්‍රිය ස්ථානය ඉදිරිපිට පැවැත්විණි. “අලුත් පියපත්” සංවිධානය සහ තවත් තරුණ කණ්ඩායම් කිහිපයක් එක්ව මෙම විරෝධතාව සංවිධානය කර තිබිණි. “සුදු ඇඳුමින්, කළු අරමුණින්” යන තේමාව යටතේ පැවති මෙම විරෝධතාවයේදී, ජනතා ගැටලු වෙනුවෙන් පෙනී සිටින බව පවසන විපක්ෂයේ දේශපාලන කණ්ඩායම්වල දෙබිඩි පිළිවෙතට විරෝධය පළ කළ බව සංවිධායකයෝ සඳහන් කළහ. දූෂණය, ජාතිවාදය, ආගමික අන්තවාදය සහ සංවිධානාත්මක අපරාධ අවසන් කිරීම මෙන්ම දේශපාලන අරමුණු සඳහා ආගම භාවිත කිරීම නතර කරන ලෙස ද විරෝධතාකරුවෝ ඉල්ලා සිටියහ. තරුණ ක්‍රියාකාරීන් වීදි රංගනයක් ද ඉදිරිපත් කළ අතර, නීතිය සැමට සමානව ක්‍රියාත්මක කිරීම, යුක්තිය තහවුරු කිරීම සහ දූෂිත දේශපාලන සංස්කෘතිය යළි ස්ථාපිත වීම වැළැක්වීම ඉල්ලා පුවරු ප්‍රදර්‍ශනය කළහ.