බන්ධනාගාරයේ ඉන්න නාමල්ගේ අවසන් දින දෙකට කලින් අද මොකද වෙන්නේ?

එයාර් බස් ගනුදෙනුවට අදාළව අල්ලස් ලබා ගැනීමේ චෝදනාව මත අල්ලස් කොමිසමෙන් පසුගියදා (04) වැනිදා අත්අඩංගුවට ගත් පාර්‍ලිමේන්තු මන්ත්‍රී නාමල් රාජපක්ෂ ලබන (18) වැනිදා දක්වා රක්ෂිත බන්ධනාගාරගත කර ඇත. ශ්‍රීලංකන් ගුවන් සමාගමට එයාර් බස් ගුවන් යානා මිලදී ගැනීමේ ගනුදෙනුවකට අදාළ විමර්‍ශනයක් සඳහා පසුගිය (04) වැනිදා ප්‍රකාශයක් දීමට අල්ලස් කොමිසමට පැමිණි නාමල් රාජපක්ෂ එම ප්‍රකාශය ලබා ගැනීමෙන් පසුව අත්අඩංගුවට ගත්තේය. මේ අතර ශ්‍රීලංකන් ගුවන් සමාගම සඳහා එයාර් බස් ගුවන්‍යානා මිලදී ගැනීමේ ක්‍රියාවලියේදී සිදුවූයේ යැයි කියන මූල්‍ය අක්‍රමිකතා වලට අදාළව මුදල් විශුද්ධිකරණ චෝදනා යටතේ පවරා ඇති නඩුවේ සැකකරුවෙකු ලෙස පාර්‍ලිමේන්තු මන්ත්‍රී නාමල් රාජපක්ෂ නම් කර ඇත. නීතිපතිවරයාගේ උපදෙස් මත අපරාධ පරීක්ෂණ දෙපාර්‍තමේන්තුව අධිකරණයට ඉදිරිපත් කළ මෝසමකට අනුව පාර්‍ලිමේන්තු මන්ත්‍රී නාමල් රාජපක්ෂ සැකකරුවෙකු ලෙස නම් කර ඇත. නීතිපතිවරයා වෙනුවෙන් කරුණු දැක්වූ අතිරේක සොලිසිටර් ජනරාල් දිලීප පීරිස් පසුගිය (14) වැනිද කොටුව මහේස්ත්‍රාත් අධිකරණයට මේ බව දැනුම් දුන්නේය. ඒ අනුව පාර්‍ලිමේන්තු මන්ත්‍රී නාමල් රාජපක්ෂ සැප්තැම්බර් (16) වැනිදා අධිකරණය හමුවට ඉදිරිපත් කරන ලෙස කොටුව මහේස්ත්‍රාත් පසන් අමරසේන පසුගිය (14) වැනිදා නියෝග කළේය. මහේස්ත්‍රාත්වරයාගේ නියෝගයට අනුව පාර්‍ලිමේන්තු මන්ත්‍රී නාමල් රාජපක්ෂ අද (16) දින කොටුව මහේස්ත්‍රාත් අධිකරණය හමුවට ඉදිරිපත් කිරීමට නියමිතය.