විවාහක රූ රැජිණ කිරුළ ලැබූ පුෂ්පිකා ද සිල්වාගේ කිරුළ ඉවත්කර පහරදීමේ සිද්ධියේ විත්තිකාරියන් දෙදෙනා නිදොස් කොට නිදහස් කෙරේ

2021 වසරේ කොළඹ නෙළුම් පොකුණ රඟහලේ පැවැති විවාහක රූ රැජිණ අවසන් මහා තරගයේදී විවාහක රූ රැජිණ ලෙස තේරී පත් වූ පුෂ්පිකා ද සිල්වා මහත්මියගේ කිරුළ බලහත්කාරයෙන් ඉවත්කර ඇයට පහරදීම ඇතුළු චෝදනා ලබා සිටි කැරොලයින් ජූරි සහ චූලා පත්මේන්ද්‍ර යන විත්තිකාරියන් නිදොස් කොට නිදහස් කරන ලෙස කොළඹ මහේස්ත්‍රාත් අධිකරණය නියම කළා. දීර්‍ඝ නඩු භාගයකින් අනතුරුව කොළඹ ප්‍රධාන මහේස්ත්‍රාත් අසංග එස් බෝදරගම මහතා විසින් මෙම නියෝගය නිකුත් කරනු ලැබුවා. තීන්දුව ප්‍රකාශයට පත් කරමින් ප්‍රධාන මහේස්ත්‍රාත්වරයා විසින් සඳහන් කළේ විත්තිකාරියන්ට එරෙහිව පැමිණිල්ල විසින් එල්ල කර තිබෙන චෝදනා සාධාරණ සැකයෙන් ඔබ්බට ඔප්පු කිරීමට පැමිණිල්ල අසමත් වී ඇති බවයි. විත්තිකාර චූලා පද්මේන්ද්‍ර මේ වන විට මියගොස් සිටින බවත් අධිකරණයට දැනුම් දෙනු ලැබුවා. .