බාබ් අල්-මන්දාබ් සමුද්‍ර සන්ධිය: හූති තර්ජන හමුවේ රතු මුහුදේත් නාවික ගමනාගමනය නවතියි ද?

ඉරානයේ මිත්‍ර පාර්ශව විසින් රතු මුහුදේ වැදගත් නාවික ප්‍රවාහන මාර්ගයකට එල්ල වී ඇති තර්ජන හේතුවෙන් ගෝලීය වෙළෙඳාමට තවදුරටත් බාධා ඇති විය හැකි බවට වන කණස්සල්ල මතුව තිබේ. ඉරානය දැනටමත් හෝමූස් සමුද්‍ර සන්ධිය ප්‍රායෝගිකව වසා දමා ඇති අතර, ඒ හේතුවෙන් පර්සියානු බොක්ක ආශ්‍රිතව නෞකා පිටවීම අඩාළ වී ඇත. එහෙත් දැන්, මැද පෙරදිග පිහිටි එහි ප්‍රධාන මිත්‍ර කණ්ඩායම් අරාබි අර්ධද්වීපයේ අනෙක් පැත්තේ පිහිටි මුහුදු මාර්ගයක තවත් යුද්ධ පෙරමුණක් විවෘත කරන බවට තර්ජනය කරමින් සිටී.