SJB පාලනය අවසන්.. පාතහේවාහැට පාලනය ආණ්ඩුකාර අත්හිටුවයි..

ඊයේ (19) දින ගැසට් නිවේදනයක් මගින් මෙම පියවර ගෙන ඇත. ,එම සභාව තුළ සිදුව ඇතැයි පැවසෙන විවිධ අක්‍රමිකතා පිළිබඳ පූර්‍ණ පරීක්ෂණයක් ක්‍රියාත්මක කෙරේ. එකී විමර්‍ශන කටයුතු අවසන් වන තෙක් සභාවේ සාමාන්‍ය කටයුතු මෙලෙස අත්හිටුවා තැබෙන බව පළාත් ආණ්ඩුකාරවරයා වැඩිදුරටත් සඳහන් කර ඇත. පසුගිය පළාත් පාලන මැතිවරණයේදී සමගි ජන බලවේගය විසින් බහුතර බලය තහවුරු කරගනිමින් පාලනය මෙහෙයවනු ලැබූ පාතහේවාහැට ප්‍රාදේශීය සභාවේ පාලන කටයුතු සම්බන්ධයෙන් මීට පෙරද විවිධ පාර්‍ශ්ව වෙතින් චෝදනා එල්ල වී තිබිණි. පළාත් පාලන ආයතන පනත ප්‍රකාරව, යම් සභාවක් තුළ මූල්‍ය හෝ පරිපාලනමය අක්‍රමිකතාවක් සිදුව ඇති බවට කරුණු අනාවරණය වන අවස්ථාවකදී, ඒ පිළිබඳ අපක්ෂපාතී පරීක්ෂණයක් පැවැත්වීමටත්, එම කාලසීමාව තුළ සභාවේ බලතල අත්හිටුවීමටත් අදාළ පළාතේ ආණ්ඩුකාරවරයාට ව්‍යවස්ථාපිත බලතල හිමි වේ. ඒ අනුව, මෙම අත්හිටුවීමත් සමග ප්‍රදේශවාසීන්ට අත්‍යවශ්‍ය මහජන සේවා අඛණ්ඩව සැපයීම සඳහා ඉදිරියේදී විශේෂ කොමසාරිස්වරයෙකු පත් කිරීමට බොහෝ දුරට ඉඩ ඇති බව පළාත් පාලන ආරංචි මාර්‍ග සඳහන් කරයි.