ජනාධිපති එනවා කියලා පොලිසිය ගම්පහ ලයිෂන් තුවක්කු එකතු කරලා..

මාධ්‍ය වෙත විශේෂ ප්‍රකාශයක් සිදු කරමින් මන්ත්‍රීවරයා මේ බව සඳහන් කළේය. එහිදී වැඩිදුරටත් අදහස් දැක්වූ හර්‍ෂණ රාජකරුණා මහතා කියා සිටියේ, දරුණු ත්‍රස්තවාදී යුද සමයේදී පවා මෙවැනි අසාමාන්‍ය ආරක්ෂක ක්‍රියාමාර්‍ග ගෙන නොතිබූ බවයි. ජනාධිපතිවරයාගේ සංචාරය අවසන් වන තෙක් බලපත්‍ර සහිත සියලු ගිනිඅවි පොලිස් ස්ථාන වෙත භාර දෙන ලෙස සිදුකර ඇති මෙම දැනුම්දීම හාස්‍යජනක විහිළුවක් බඳු ක්‍රියාවක් බවද ඔහු පෙන්වා දුන්නේය. මීට අමතරව, 22 වැනි ආණ්ඩුක්‍රම ව්‍යවස්ථා සංශෝධනය සම්මත කර ගැනීම සම්බන්ධයෙන්ද අදහස් පළ කළ මන්ත්‍රීවරයා, ඊට විරුද්ධව විවිධ පාර්‍ශ්ව කුමන ක්‍රියාමාර්‍ග ගත්තද අවසානයේ එම සංශෝධනය සම්මත වූ බව සඳහන් කළේය. කෙසේ වෙතත්, එම සංශෝධනය ඔස්සේ නිර්‍මාණය වන අහිතකර ප්‍රතිඵල සහ එහි බරපතළ වන්දිය ඉදිරි අනාගතයේදී ගෙවීමට සිදුවන්නේ මේ රටේ පොදු ජනතාවට බවද හෙතෙම වැඩිදුරටත් අවධාරණය කළේය.