කොළඹ කොටස් ලොකු පල්ලමක..

ඒ අනුව, සමස්ත වෙළෙඳපොළ ක්‍රියාකාරීත්වය නිරූපණය කරන සියලු කොටස් මිල දර්‍ශකය (ASPI) පෙර දිනයට සාපේක්ෂව ඒකක 168.38 කින් හෙවත් සියයට 0.81 කින් පහත වැටී ඒකක 20,644.26 ක් ලෙස සටහන් විය. මීට අමතරව, වඩාත් සක්‍රීය සමාගම් 20 නියෝජනය වන එස් ඇන්ඩ් පී ශ්‍රී ලංකා 20 (S&P SL20) දර්‍ශකය ද දවස අවසානයේ ඒකක 36.48 කින් (සියයට 0.62 කින්) පහත වැටී ඒකක 5,847.02 ක් ලෙස සටහන් විය. දර්‍ශකවල පහත වැටීමක් පෙන්නුම් කළ ද, දිනය පුරා වෙළෙඳපොළ තුළ සැලකිය යුතු මට්ටමේ ගනුදෙනු ප්‍රමාණයක් සිදු වූ අතර, දෛනික සමස්ත පිරිවැටුම රුපියල් 3,160,799,602.75 ක් (රුපියල් බිලියන 3.16 ඉක්මවා) ලෙස වාර්‍තා විය. දිනය තුළ ගනුදෙනු 15,781 ක් සිදුව ඇති අතර, හුවමාරු වූ සමස්ත කොටස් ප්‍රමාණය 67,643,220 කි.